工程師出身嘅Herman，以前同日本三菱合作，依家集中做房地產生意，仲實房屋政策呢瓣，又編製骨幹會員通訊錄，加強專資會透明度，睇得出佢接掌專資會，同佢開拓房地產一樣，想大幹一番喎。

曾同星爺合作發展天比高

Herman係菱電集團第二代掌門人，大家都想知「星爺」周星馳六年前點解睇中菱電，一齊合作發展山頂普樂道天比高洋房項目。佢尋日解開謎團，話同星爺係喺朋友介紹下認識，香港大型發展商唔少，但管理層出現人事變動係家常便飯，但菱電係家族生意，由胡氏三父子話事，除咗佢同爸爸，仲有細佬胡曉亮，人事穩定，令人安心，呢個就係星爺搵菱電合作嘅原因嘞！