寧兜大圈盡快返港

大批滯留港人在網上互吐苦水，直言由於歐洲多國航空交通癱瘓多日，即使部分地區已復航，但機位極為緊張，大部分航空公司熱線「打極唔通」，加上言語不通，令人焦急如焚。不少港人大嘆「一票難求」，有港人眼見英國復航情況不明朗，寧願接駁多程火車南下到西班牙、葡萄牙等地，甚至坐船北上挪威、瑞典，再轉飛香港，「總之就要盡快返到香港」。

住宿、現金短缺問題亦困擾不少港人，有市民指由於歸期未定，每天需自行安排食宿，「要逐間酒店打去問有無房，如果無房就要流落街頭，好徬徨」；有人則用盡現金，又無信用卡在手，「真係唔知點算」；有人則在滯留期間簽證過期，需向中國駐當地使領館求助；有市民更透露，因為滯留歐洲，未能趕回港主持女兒的婚禮，不少人亦擔心缺勤多日，回港後「連份工都無埋」。

叫天不應叫地不聞

滯留意大利博洛尼亞四日的朱小姐稱，連日來靠自己不停撲機位，終在航空公司協助下乘車到羅馬機場，有望今日起程回港，朱小姐直言：「呢幾日叫天不應叫地不聞，打畀入境處，只叫我自己撲機位，咩都幫唔到！」她指其居住的酒店有數十名港人依然未有機位，不知何時才可全數回港。

日前到英國公幹的唐先生表示，最快要到四月廿七日才有機會回港，但已身無分文，距今多日不知如何是好，他曾向香港入境處求助，但入境處只叫他家人匯錢到英國，令他十分不滿，直斥：「政府又唔派專機接番啲香港人，其他嘢又唔幫手。」