港大、恒生銀行同青協尋日合辦「青年領袖教室」，請嚟徐校長同四百個學生真情對話，同「80後」青年分享成功之路。佢大爆鮮為人知的成長往事，自嘲缺點多，讀書時記性麻麻，考試成績一般，反而最叻畫圖，當年夢想係成為建築師。

徐校長喺中文中學畢業後，入唔到心儀嘅港大讀建築系，考入中大生物系。塞翁失馬焉知非福，畀佢發現原來繪畫長處喺生物系亦可大派用場，佢沾沾自喜咁話一個蝴蝶生命史，其他同學用成千字解釋，佢畫一個圖已說明一切，老師亦收貨。自此愈讀愈起勁，讀埋博士學位，仲做咗頂尖科學家，專門研究遺傳學。