舊年CY同家人去北海道滑雪時，不慎扭傷左邊膝頭十字韌帶，本來佢喺農曆新年已經行動自如，但行路向右轉時有啲唔自然，原來腳傷未完全康復。佢最近的起心肝去做手術徹底根治腳患，由於手術後康復要一段時間，所以暫時要用拐杖，尋日仲獲立法會安排坐喺官員後排一個傷殘人士位置，好似變咗高官一分子咁。

換個角度睇，唐唐同CY都被傳係疑似特首參選人，CY咁啱坐喺後面，好似實佢嘅疑似對手唐唐後尾枕講政改方案，呢個場面都幾有趣。