「早前媽咪因血壓勁升入住瑪嘉烈，但留院檢驗後，竟無解釋病情，只係話佢年紀大血壓高係正常！」梁女表示，醫院無尊重過病人，一家幸福便是被本港醫療制度拆散，在無能政府領導下，要社會和諧愈來愈困難。

失誤零檢討 講到做唔到

醫療失誤個案接二連三，去年十月，張先生的六十歲母親因跌傷腳入屯門醫院接受手術，手術後情況穩定，但後來轉往復康病房期間，突然出現氣促，搶救後不治。

張先生歸咎事件全因醫管局人手不足所致，他說：「復康病房四十幾張病床，得幾個護理員，病人落唔到床，無水飲都無人理。」月初的驗屍報告更指其母死於肺栓塞，正是手術的一大風險，但手術前醫護人員竟從沒有提及，他對本港公共醫療信心盡失，直斥當局處事不負責任，每次醫療失誤都表示會檢討，實際卻是「講到做唔到」，若再不增聘人手，病人的性命根本毫無保障。

民怨四起

張小姐（大專生）

我有纖維瘤，照Ｘ光要等半年，真係好離譜，亦聽聞過好多實例，啲人生咗個瘤，明明係良性都等到變惡性，我覺得香港依家嘅醫療福利無以前咁好，醫療係巿民嘅福利，唔應該要巿民畀錢，政府醫療政策好差。

黃小姐（大專生）

我患有先天性紅斑狼瘡，每星期睇醫生，每次都要等兩、三個鐘，檢查半個鐘，配藥又要兩個鐘，咁全日就無晒，而且淨得星期二有得睇，連學都返唔到，過期又要等多兩、三個月，制度僵化，好明顯政府管理不善，咁樣嘅醫療質素，市民點會有信心！