本文重點
政圈近期掀起一股「高鐵熱」，試搭高鐵幾乎成為政界人士北上嘅必備節目。匯賢智庫主席葉劉淑儀唔執輸，日前帶班大學生坐高鐵上武漢考察，除咗畀大家一嘗高鐵嘅高速快感外，仲參觀武漢鋼鐵廠，近距離睇工人煉鋼、倒鋼水，新鮮刺激，令一班未見識過重工業嘅香港青年開心到
嘩鬼叫。
嘩鬼叫。
高鐵內表演金雞獨立
匯賢智庫武漢考察團玩咗三日，葉劉話坐高鐵真係好正，架車最高時速上到三百四十八公里，為咗測試車廂喺高速下嘅穩定性，佢仲特登喺車廂內表演金雞獨立，最後證明架車真係好定。
「80後」成日畀人話激進，葉劉同一百二十個「80、90後」同出同入三日，有乜感受呢？佢話雖然依家樓、股齊升，但個市其實唔係表面睇咁好景，好多後生仔搵唔到工，所以年輕人感到鬱悶係有原因！