【本報訊】擁三十年「湊仔」經驗的半職陪月員兼大妗姐鄒康妮（王太），曾被客人出價月薪五萬酬勞當陪月員，但她為實踐身教，鼓勵子女發揮愛心幫助弱勢社群，甘心放棄該「優差」，到社區中心天天當義工輔導產後媽媽，果然感染女兒跟隨她走訪各區當義工，她笑言：「幾時先賺到夠錢養老呢？可以感染到我啲『小朋友』做義工已經賺晒！」
王太自小夢想當義工幫助弱勢社群，但年輕時忙於照顧兩名子女，又要幫補家計，惟有當半職陪月員或大妗姐餬口，亦從中累積「湊仔經驗」，後因經驗豐富，獲家長出價達月薪五萬元當陪月員。但經深思熟慮後，王太認為當陪月員充滿工作壓力，影響她「瞓身」幫助人：「始終收咗人錢，人哋交咗成條命畀你，行每一步都要好有顧慮。」終選擇當花更多時間當義工，四年前則加入香港家庭福利會，任「產後媽媽支援大使」，經中醫及養生等培訓後，以第三者角色協助輔導產後媽媽。
王太稱，丈夫曾勸她多當陪月員賺錢，少當義工，但她認為當義工不但幫助人，也能感染兒女培養善心：「搵咁多錢都用唔晒！但我個女依家二十八歲喇，一放假都會跟埋我去做義工！能夠教到仔女已經賺晒！」