不過，陳巧文同梁穎禮出席論壇唔單止雙雙遲到，到場時兩人手上都攞住一罐啤酒，發言時仲邊講邊「隊啤」，令唔少途人側目。其實陳巧文同梁穎禮都係「80後」嘅代表人物，依家佢哋嘅行為好聽啲講叫率性而為，但畀人嘅實際觀感係唔尊重大會，出席論壇嘅各界人士都唔知當佢哋嘅言論係「酒後吐真言」，定還是醉話一番好。

講番個論壇，台上三位講者都覺得政府對社運人士嘅打壓愈嚟愈激，律政司更儼如「中聯辦」保安，只要社運人士一到中聯辦示威，就絕不手軟提出檢控。支聯會將會喺四月十八號由警察總部遊行到政府總部，抗議政治檢控，身患肺癌嘅支聯會主席司徒華話會坐輪椅完成全程。