除咗同林風眠嘅大作擦身而過外，佢仲點名話趙少昂嘅一幅畫作都以過百萬元成交，超出晒佢嘅預算添！佢心目中嘅靚價係幾十萬元，不過都知每個人心目中靚畫嘅價錢都唔同，好主觀，所以唔會不惜代價去爭。

同場又見到信和集團第三代Daryl黃永光，佢謙稱係嚟學嘢，唔會舉手競投。咁最欣賞邊位大師呀？原來佢又係林風眠嘅粉絲，盛讚佢曾經放洋留學，所以畫風既有中國傳統文化，又有西方嘅味道，同香港一樣咁有中西合璧之美。

Daryl又趁機推介信和旗下推廣本地藝術嘅組織「Arts In Hong Kong」，話希望有朝一日，本地藝術可以喺好似蘇富比咁嘅平台受到國際關注。