話說考察團喺晨早六點三十分出發，但有兩個學生遲到，搞到四十五分至開車，有份帶團嘅蘇菲慨嘆依家啲後生仔唔守時冇交帶。

到中午嘅時候，佢哋喺韶關玩具廠房工人飯堂午膳，可能少肉多菜唔啱啲學生口味，到飯後參觀玩具廠，了解港商喺內地嘅工業發展同就業前景時，有學生離隊去買朱古力醫肚，搞到蘇菲好似催趕鴨仔咁要學生歸隊，相當勞氣。

不過，蘇菲首次搭高鐵就好興奮，上車後即時試吓車廂入面各種設備，又話坐車期間欣賞到窗外山水風景，稱得上洗滌心靈喎！