發表廿蚊論之後，富貴黨副主席張宇人去到邊都備受關注。尋日周末，佢應一個電視台邀請宣傳低碳排放嘅生活，暫時告別政治風波。不過，廿蚊張喺節目中透露，佢原來係超級食肉獸，每餐無肉不歡，菜就一餐食唔到一條，絕對係碳排放高嘅一族。近排好多網民要求佢體驗吓廿蚊嘅生活，睇嚟，廿蚊張應該由減少食肉開始，然後先向減碳排放進發。
廿蚊張話自己無肉不歡：「見到菜就唔敢
」，錄影前一晚，佢就食咗四塊叉燒、四塊燒肉、半碗白飯，但只係食得一條青菜咁大把，認真唔健康！據專業營養師評估，佢一餐飯嘅碳排放高達三百至七百克，屬於第二高類別，即係相當唔環保。
其實，廿蚊張都知道嗜肉嘅問題，所以曾經積極減肥，今次廿蚊風波之後，唔少人都質疑佢生活太富貴，不知民間疾苦，睇番佢嘅生活習慣，又的確唔多健康，睇嚟廿蚊張要首先告別食肉獸嘅生活，先可以體驗吓平民嘅日子。