樓神話從小嘅志願係做社工，但報讀大學時竟報錯咗社會學系而唔係心儀嘅社會工作學系，讀咗兩年至覺得唔對路。雖然揀錯科，但佢學運照搞，當時嘅保釣行動、反渡輪加價嘅抗爭佢都有參與。

做過「熱血青年」嘅佢，係咪好認同時下「80後」青年難以上位呢？殊不知佢竟然同社會各界大唱反調，話「70後」比「80後」更需要社會幫喎。佢解釋，時下「80後」嘅父母身體仍然健康，佢哋置唔到業，父母都會幫手；相反，「70後」已三十幾歲，佢哋不但要照顧父母同小朋友，好多仲經歷過金融風暴添。