本文重點
【本報訊】「就算死，都要死得有尊嚴！」女途人一句說話救回一條人命。昨晨十一時許，姓劉老翁（八十歲）在秀茂坪邨秀暉樓一條行人天橋，突爬出圍欄外壆邊危站，並向橋下籃球場的青年大呼：「靚仔行開，我依家跳樓喇！」
希望社工跟進老翁情況
街坊李太途經見狀，立即撲前抓住劉翁衣服，獲悉劉翁無親無故，又疑患肺癌，恐治療痛苦，故萌死意，即以自己亡父為例苦勸：「我體會到你辛苦，我自己阿爸，七十八歲，喺○三年都係肺癌離開，但係佢知道有肺癌之後，反而好珍惜自己嘅生命，積極面對到最後一秒！」
李太稱：「下面有班細路打籃球，你咁樣跳落去，會嚇親佢哋，佢哋以後都會有陰影，而我亦都會瞓唔着。」「有病就要勇敢面對，死就死喺張床度！」當她見劉翁態度軟化時，再拋出一句：「人總有一死，但死都要死得有尊嚴！」終在消防員及警員到場前勸服，劉翁送院檢驗。
李太對於救人一命感到開心，但擔心劉翁會再次尋死，希望有社工跟進其情況，她稱：「醫院都有善終服務，照顧呢類病人走最後一程。」