沙田馬場尋日舉行仁愛堂盃，仁愛堂主席卓歐靜美聯同一班總理入場，見到前主席史立德、太太同仔女齊齊入場為愛駒「好先生」打氣。史太手挽淺啡色Herm
手袋，貴氣十足，右手隻巨型鑽戒（圖）睇落至少有四卡，仲話金額唔方便講嘞，至少過百萬元。史立德咁捨得，原來係因為太太陪伴佢走過三十載情人節，於是專登趁今年大年初一情人節表心意。
手袋，貴氣十足，右手隻巨型鑽戒（圖）睇落至少有四卡，仲話金額唔方便講嘞，至少過百萬元。史立德咁捨得，原來係因為太太陪伴佢走過三十載情人節，於是專登趁今年大年初一情人節表心意。
史立德以行動做好先生榜樣，愛駒「好先生」尋日亦發力衝刺贏頭馬，奪得逾一百三十萬元獎金，隨時帶挈史太有多粒巨鑽都未定。
轉頭又撞到全國人大代表王英偉同太太簡美蓮，兩個人拎住幾隻CD，睇清楚至知係囝囝王梓軒嘅新碟。梓軒早前得到電台頒發嘅新人王獎，王英偉嘅朋友知道世姪嘅娛樂事業有聲有色，紛紛問佢攞隻碟嚟聽吓，佢樂得幫囝囝做吓宣傳，順便又可以聽吓意見。
卓歐靜美亦玩得投入，大會設立扮靚專櫃，請嚟化妝師為嘉賓畫花花，卓太慷慨借出粉面任畫唔嬲，結果面珠上多咗朵花，認真鬼馬。