蔡老闆同家人總動員出席，蔡太搵師傅訂造鑲滿水晶嘅紅色晚裝，大女加敏抱住千金靄翹同夫婿馬鴻銘合組溫馨三人組，加敏仲預告有「造人」計劃，希望今年再添丁喎！細女加怡就穿上桃紅色斜膊晚裝，美艷動人，但佢身邊仲未有真命天子出現，佢就話唔急得喎，好彩細佬加讚不時傍住家姐出入，可做其護花使者。

蔡太話自七十年代起，每年都有聚餐，估唔到老公生意愈做愈大，圍數亦愈開愈多。為搞氣氛，蔡老闆自掏腰包送出多份禮物搞抽獎，又鼓勵員工參加天才表演，扮得似模似樣者重重有賞。咁體貼嘅老闆，真係恨死隔籬囉。