出生腦痙攣 進修不放棄

三十七歲的阿能出生時發高燒致腦痙攣，現僅左手正常活動。行動不便未使他放棄，反努力克服障礙，掌握自己的前路。阿能不斷進修電腦及平面設計課程：「課堂上有啲設計理論要抄，我冇人抄得咁快，咪用錄音筆錄低，返屋企再慢慢抄。」

離開校園十年，斷續地當過兼職派傳單員，最後終找獲一份月薪六千元的文具公司繪圖員工作。他憶述，見工當日發出黃雨警號，他擔心電動輪椅會被淋壞，是否外出見工舉棋不定：「呢次係個好難得嘅機會，應該試一試。」最終輪椅真的淋壞了，卻換來理想的工作。

他以這個經歷勉勵年輕人及失業者，找工須決斷：「唔好嫌人工低又唔做、嫌冇發圍又唔做，乜都要試，唔試點知有冇機會！」