港獸醫足以應付需求

愛護動物協會公關及傳訊經理顏綺苓表示，該會及不少獸醫診所均設有二十四小時服務，由經驗豐富的獸醫為有急症的動物診治：「估計唔關服務唔夠事，但點解人嘅醫院會整呢啲課程，就要問番醫管局先知。」

顏綺苓指出，有關課程可提升市民對寵物健康的認知，但卻對課程成效有所保留，她強調，主人不應胡亂為寵物急救，「就算係獸醫，都要有助護喺旁邊幫手」，否則容易被貓狗咬傷或抓傷；主人亦未必清楚寵物不適的原因，「如果隻狗喘氣，都唔知佢究竟係呼吸問題、心臟不適定係中咗毒，亂咁急救反而會整傷隻寵物」。