惡菌無食物可生存一年

港大感染及傳染病中心分析在醫院爆發的抗藥性鮑氏不動桿菌品種，發現兩個爆發型細菌品種ST22及ST26，帶有OXA23及OXA51的新興超廣譜酶抗藥基因，萬一病人受感染，可導致肺炎，甚至細菌入血。

中心總監何栢良指出，惡菌愈來愈抗藥，相信與此菌在任何環境的生存力極強有關，「曾經有研究將隻菌放入個樽度，唔畀水同營養佢，隻菌竟然一年都唔死！」

其實只要用稀釋漂白水拭抹便可殺滅此菌，不過公立醫院並不常清潔床架、枱櫈等病人經常接觸的物件，「有啲病房連床簾都係三個月先洗一次；病人排板、床架、調校床高低嘅按鈕等，都好耐冇人抹；床褥、枕頭瞓幾個病人都唔換，換過個套就算，惡菌就可以人傳人，上一手病人有惡菌，下一手病人隨時中招！」