社會向上流動性低

肥亨慨嘆，佢喺一九七三年打第一份工月賺一千六百蚊，當時市區樓價只係二百蚊一呎，換言之佢一個月嘅人工可以買到八呎市區單位，但依家連元朗一手樓都賣到五、六千蚊一呎，年輕人即使好彩月入一萬六千蚊，一個月都只不過買到兩三呎，如果想買市區樓，成個月糧可能連幾吋地磚都買唔到。

佢認為依家青年人面對最大嘅問題係社會向上流動性低，建議後生仔先易後難，揀偏遠地區嘅平樓「上車」。佢仲以自己作例子勉勵青年人唔好介意喺「隔涉」嘅地方置業，佢話三十幾年前首次喺加拿大置業，由於做嘢六年儲到五萬港元啱啱夠畀首期，喺當地一個「山旮旯」地方買樓，結果畀同事嘲笑，但佢覺得上到車已經好好喇。