青衣爆出領匯教商販賣腐肉死魚疑雲，長發邨街市昨因供電測試發生電力故障，十七個檔口斷電逾十四小時，凍肉變壞、活魚反肚，檔販損失慘重，欲哭無淚。但領匯職員懶理變質食物有害健康，竟着檔戶繼續開檔「賣住先」，賣剩再點算損失，商販指摘領匯「靠害」不負責任，激憤質問：「買番去食，食死人，入邊個數？」
由領匯管理的長發邨街市，有百多個攤檔，本月初檔販收到通告，指因商場進行供電測試，本月二十日至二十一日，以及本月二十二日至二十三日共兩晚，晚上十一時五十九分至翌日早上六時正停電，受影響地方包括商場、街市及美食城商戶。
去年停電未賠償
街市凍肉檔姓鄭檔主表示，獲悉停電後，以為只是停六小時，應影響不大，不過昨晨開舖後，有十七檔仍一直斷電，直至下午二時許始回復正常，生意大受影響，期間，有商販向領匯職員查問何時恢復電力，但不得要領。
至於賠償方面，職員則着受影響商販「賣住先」，把貨物盡賣，之後會派人到檔口拍照，替他們點算損失，以便賠償。
姓鄭檔主稱，其凍肉要冷藏於攝氏零至四度之間，但雪房無電，溫度升至十三度，貨物陸續融雪，擔心會腐爛變壞，更無奈地說：「凍肉變質，客人食咗都有問題，覺得領匯不負責任。」
他又指去年街市亦因漏水而停電，領匯曾聲稱會作出賠償，結果不了了之。
「食死人入邊個數」
另一間專售火鍋用料的檔主華哥批評，領匯職員要他們繼續開舖做生意，等於「靠害」，他不滿地質問該職員：「我啲嘢搞成咁，如果我啲客買番去食，食死人，入邊個數？」
一名魚檔檔主表示，舖內存有數萬元貨物，魚泵缺電無氣，部分活魚已反肚奄奄一息，賣相不新鮮，生意急插水，整個早上只做了數十元生意。
而豬肉檔販陳先生指出，昨訂來六隻豬，每隻四千多元，過往用一隻斬一隻，其餘放進雪房內，但因停電被迫六豬齊斬，悉數掛滿舖頭出售，無奈沒人幫襯。
對於領匯要受影響攤檔照常營業，出售無雪藏已變壞的食物給顧客，街坊聞言無不憤慨，謝女士直斥：「梗係唔啱啦，唔驚啲肉有問題？大佬，啲嘢唔新鮮就唔好攞出嚟賣啦。」