點解件事會穿崩呢？又係衰喺社交網站手上。不過，今次係喺歐洲等好多國家都相當流行嘅「微網誌」twitter，事關斯里納吉未做首相前，已開設咗twitter同facebook帳戶，仲經常喺上面話畀民眾知自己見過咩人、想做咩事，藉此拉近同公眾距離。十八號（年初五）當晚七點十分，斯里納吉同煲呔曾會面之後，就用手機上twitter同網民分享，仲話兩個人嘅會談取得成果，但冇講見咗幾耐同傾咗啲乜。

唔識善用新科技

煲呔曾今次行程現形，再一次證實互聯網嘅威力。人哋一國首相善用新科技，唔單止玩facebook，仲玩埋twitter，相反煲呔曾就似乎落後好多，對新科技同新諮詢手法都係猶猶豫豫，醜死人喇！