本文重點
農曆新年過後，離港外遊的買家陸續回流市場，帶動多個二手屋苑睇樓量勁升五至六成，但新界個別屋苑受到新盤影響，睇樓量逆市下跌10%。地產代理指，雖然睇樓量回升，但市場仍然觀望新盤銷情及明天賣地成績，因此二手交投尚未回暖。統計昨日十大主要二手屋苑，僅錄得1宗成交。
鰂魚涌太古城及康怡花園昨日睇樓量，按周急升近五成。香港置業司徒偉文表示，農曆新年前夕，不少買家及業主外遊或趕辦年貨，致睇樓量劇降；上周業主和準買家陸續返港，刺激睇樓量大幅回升。他續稱，由於農曆新年後，樓市往往出現「小陽春」，價量齊升。該區有三成業主已搶先一步，調高叫價5至8%，反映業主對後市樂觀，但買家承接力較弱，態度未算積極。
嘉湖睇樓量跌10%
另一方面，受元朗YOHO MIDTOWN開售影響，同為新界區的天水圍嘉湖山莊和沙田第一城，睇樓量雙雙下跌10%。有地產代理表示，不少客人轉往新盤市場，令同區二手盤的睇樓量及交投更趨淡靜。
中原研究部指，本月首十七日共錄得6,022宗二手住宅買賣登記，涉資206億元。美聯研究部稱，首十七日的二手住宅買賣登記中，成交額達200萬至500萬元的中價樓，比例高達38.8%。