首次落場須上堂考試

她又說：「相信今次意外冇人想發生，不過，玩呢個運動時，現場一定要有人提醒，譬如身上外露嘅物件、頭髮等，一律都要收埋，呢啲係基本知識。其實，玩小型賽車嘅朋友，千祈唔好輕視工作人員嘅講解，玩小型賽車前嘅課堂都要聽。」

鄭融在○七年拍攝新歌《大女仔》MV時，便是在該場地取景，當日她穿上小背心和銀色熱褲拍攝，化身女賽車手，坐上為其特製、印有「Stephanie」的小型賽車，在跑道上風馳電掣，英姿颯爽。

鑽石海岸國際小型賽車場，是全港唯一小型賽車場，總面積達二十五萬平方呎，賽道全長九百公尺，闊八至十公尺，其中最長一段直路達一百三十公尺，此外，賽道彎位多，共有十二個彎道設計，每個彎位加上直路，可以造出二十六種變化，考驗車手入彎、出彎本領。

駕駛小型賽車毋須車牌，只要十一歲以上，便可以落場駕駛，車場會因應年齡而提供適合的小型賽車。另外賽車場規定，首次落場駕駛者，都必須參加安全課程及筆試，若未能通過，職員有權拒絕其入場。