「點踢佢都唔會打茅波」

梁漢文昨與米雪、尹佬生前好友等出席記者會，他說：「舅父離開咗，好坦白講，呢個病纏繞咗一段時間，身為佢親人、朋友、身邊人、家人，其實都唔好受！咁長時間同癌病抗衡，佢呢個毅力值得香港人學習，雖然佢離開咗，但永遠喺我心目中！記得以前喺球場上，自己十幾歲已經好欣賞舅父，無論啲人點侵犯佢、踢佢，佢都唔會打茅波，keep住體育精神，呢個精神最值得後輩學習。」

尹佬有三個妹妹，大妹就是梁漢文的母親，本報記者昨日再致電梁漢文，他透露年初一才跟舅父拜年：「當時佢情況已經唔係幾好，但有少少反應。」梁回憶與舅父昔日種種，最深刻是有一年中秋節的BBQ活動，兩人一起搓波情形：「舅父讚我有啲料到，當時自己已經好開心，之後自己入選香港青年軍，舅父就係香港代表隊，自己久不久就匿埋球場睇舅父踢波。（栽培你做球員？）冇話栽唔栽培，自己受佢影響，但後來參加新秀比賽入樂壇。」