年初一撞正情人節，今年嘅年宵市場都多咗情人節氣氛，東華三院主席李三元尋日落去維園年宵市場嘅東華攤位，為二十幾位天水圍創業婦女打打氣，仲即時花二千幾蚊買咗佢哋獨一無二嘅人手造絲質玫瑰花，其中一紮黑玫瑰更係專登買嚟送畀老婆嘅情人節禮物。
新年流流送黑玫瑰，真係好特別噃。李主席話，黑玫瑰代表「一心一意」，只可以當情人節禮物送畀老婆！咁太太接唔接受到黑色玫瑰呢？佢笑笑口話：「送畀佢就已經好開心㗎啦！」
李主席透露，今日除夕夜會喺屋企團年，初一就同長輩拜年，初二約咗東華人去北京道一號睇煙花，佢仲講笑話，同東華人幾乎親過屋企人！