嫻姐尋日出席個電台節目，講起多年來推動嘅東南九龍海濱計劃時好勞氣，佢話港鐵失驚無神要喺鑽石山起幾層樓嘅車廠，打亂晒佢哋個計劃，仲批評政府諮詢有問題。佢話，運房局局長鄭汝樺（Eva）早前太忙，派咗邱武同佢傾，但邱武唔單止唔聽民意、偏幫港鐵，仲喺地區搞分化，搞到嫻姐最後忍唔住拍枱離場，事後要Eva鄭親自打圓場。事隔多時，嫻姐仍然一肚火，用「討厭」、「唔想見到佢」嚟形容邱武。

冇做議員之後，嫻姐嘅活動並冇減少，呢個新春仲會參加黃大仙區嘅花車活動，搞到屋企人詐佢型，話佢「放假都不忘工作」。至於每年新年都去拉斯維加斯玩番鋪嘅詹培忠，就嫌賭城新年太逼太多人，話今年會轉去新加坡度歲喎。