無助挽救婚姻

「唔被信任？冇咩感覺噃，玩得呢樣嘢都預咗佢（男朋友）會隨時隨地知我喺邊。」阿琪（化名）早前和男友一起使用由電訊公司提供的位置追蹤服務，她聲稱一日最多只追蹤三、四次﹕「唔係驚佢『偷食』，係因為佢有時唔聽電話，追蹤到佢喺公司會安心好多，我都係擔心佢會出意外啫。」「我唔會擔心女友偷食，係佢唔信我，話我唔聽電話，連我開緊會佢都唔信。」於是阿琪男朋友阿雄話主動提出使用此服務。

不單情侶會透過電話追蹤睇住另一半，即使是老夫老妻也以此追查伴侶有沒有越軌行為，網上討論區不時有人提問如何以電話追蹤丈夫下落。「好多情侶用呢樣嘢追蹤對方，正反映佢哋無信心同心智唔夠成熟。」觸動輔導中心的性治療及家庭治療總監程翠雲認為，阿琪的個案正反映現今兩性關係過於自我中心，男女雙方多不會向對方交代行蹤，容易引起對方擔心，於是用科技互相追蹤。

程表示：「追蹤完有疑問又唔傾，只會增加懷疑，感情好嘅時候就冇事，一旦關係緊張，就會懷疑對方越過軌。」程認為，用高科技監察伴侶，能滿足到自己偷窺欲，結果會玩上癮，但卻無助改善兩性關係。程提醒，妻子用盡方法追查丈夫有否越軌，最後可能促進了對方與第三者的關係，原因他們有共同敵人，會更加緊密抗敵。