剛年滿十四歲的練卓賢，小一及小二就讀聖若望英文書院小學部，小三升讀拔萃男書院附屬小學，至○八年，一如其他同學，循序漸進升讀拔萃男書院中一級。去年暑假，卓賢毅然向校方提出申請跳級至中六，中二甫開學不久，便成功獲校方批准連跳五級，直入預科。
父早逝未損鬥志
卓賢年紀雖小，但個子高大，說話斯文有禮，一舉手一投足均較同齡學生表現得成熟。他十歲時，從事工程的父親因患肝癌病逝，由母親獨力撫養，其母現與朋友合夥開辦電腦公司，供養卓賢和大一歲讀中三的姊姊讀書。
卓賢接受訪問時透露，小學時已對數學及物理等科學相關事物特別有興趣，「我細細個就鍾意不斷做數學練習，媽媽喺我出世後一至兩年已經買咗會考程度嘅物理科教科書放喺書櫃，我好細個已經會揭書自學，又會睇百科辭典」。
攞獎多到唔記得
卓賢自小三便參加數學奧林匹克比賽，「攞過幾十個獎，好多次攞一等獎，但具體情況已經唔記得喇」。
卓賢小學時已自修中學程度的數學和物理科，小六時已應考英國會考數學科，更考獲A*「爆燈」佳績。去年他升讀中一時再自我挑戰，報考英國會考四科，包括應用數學、數學、英語為第二語言及化學科，其中兩科數學均考獲A*，英語為第二語言則考獲C級以上成績。
同年，卓賢又報考英國高考數學、進階數學、物理及英國文學科，其中數學科考獲A，進階數學考獲B，其餘兩科則暫未收到成績。他去年十月更投考英國劍橋大學，並獲面試機會，惟未能成功獲取錄，他估計可能因自己太年幼所致。
謙遜叻在愛睇書
談到讀書心得，卓賢稱：「一開始都有同學叫我做神童，但其實我好鍾意睇書，屋企有好多書。我每日放學做一陣功課就會休息，夜晚十一點瞓覺，平均每日花一至兩小時溫習。」他直言，「知道媽媽對我有期望，但我會無壓力咁讀落去」。
卓賢又透露，有同學對他跳級曾有閒言，「有啲同學會捉住我，用挑釁嘅語氣問我，點解學校會畀你跳班」，但這些話反激發他更努力，以證明自己實力。他正準備報考明年的香港高考，為達到報考基本要求，他要再報考英國會考額外兩科，同時亦再報考英國高考四科及重考進階數學科，以求取得更佳成績考入英國的大學修讀數學系，希望將來做研究工作。