維園年宵今日開市，昨日原是檔主衝刺布置攤位之時，但意外遇上整日下着不停的豪雨，部分檔攤以帆布密封，亦有多名檔主冒雨急忙將貨品搬至高枱。大雨沖得維園年宵場內垃圾及竹棚四散，猶如年宵結束時凌亂場面。

「驚到手震」倘蝕本唔再搞

早前以高價四十九萬投得熟食攤檔的「新手」許先生，投資百多萬購買食品機、搭棚、接駁電線及運輸，前晚沒料到昨日會下大雨，將機器全放在露天被大雨淋個濕透，他在檔前攤大雙手大嘆損失慘重：「尋日百幾人做到凌晨，朝早七點再返嚟搬機入檔位！個個變晒落水狗！啲機濕晒，恐防漏電都唔敢亂安插蘇。」

許先生又苦笑說天氣差惟有減價，原定每串十二元的魚蛋會減到十元：「我所有信心已經畀場雨打冧晒！依家直頭驚到手都震！今年如果『蝕本』，就唔再沾手年宵攤位！」

花農李先生首次引入四百多盆、每盆約售二百多元的丹東杜鵑花，可是昨早到貨時遇大雨，近半被水浸至花落，要即時移至新花盆：「○四年擺檔到依家都未試過咁大雨！事前預計可以賺十萬八萬，依家唔落雨唔蝕都阿彌陀佛喇！」他考慮將花價調低幾十元促銷。

乾貨檔主郭先生與一群香港專業教育學院同學昨日凌晨通宵留守攤位，「搶救」攤檔至昨午，但檔位頂部帳篷漏水，「生招牌」也不能掛上，檔內貨物如風車、毛公仔被雨淋濕。他昨日急召搭棚師傅，但對方已收爐「出埠」，惟有無奈自救：「原定聽日（今日）上晝開檔，但依家都唔知幾時至開到檔嘞，好坎坷！」