08/02/2010

播放本新聞相關短片

占士錫住紐約人都攞47分

每次面對紐約人,都係勒邦占士做騷嘅時間!「大帝」尋日如入無人之境,攻入全場最高嘅47分,當中更創下半場攻入35分嘅球隊紀錄,最後率領騎士以113:106擊敗來訪嘅紐約人,犀利!

破騎士半場得分紀錄

出名係「紐約人剋星」嘅勒邦占士,尋日喺上半場就入35分,除咗打破騎士史上半場得分紀錄之外,全場更交出47分、8次助攻同8個籃板嘅「準三雙」成績。一直盛傳「大帝」今夏會過檔紐約人,佢似乎亦手下留情唔想贏得太盡:「其實只要我想嘅話,攞50分好易,不過我更注重團隊合作。」

由於尋日華盛頓受到暴風雪吹襲影響,巫師主場對鷹隊場波被迫改期。至於聽日3場波當中,小弟相信喺哥連臣同馬古斯科尼頓兩大Fit爆後衞壓陣下,黃蜂作客魔術受讓10.5分絕對玩得過,一於支持下盤!

真.怒比利