講番莎姐嘅皮膚，底子同質素都相當好，近睇膚色均勻，毛孔又唔大，不過，佢話自己平時都冇乜點樣打理，亦都冇搽啲乜嘢產品，只係做一般嘅清潔護理嘅程序啫。

三母女都係一月新娘

莎姐今年同老公周明權為慶祝結婚四十周年舉行盛大慶祝會，今年嘅結婚周年紀念，佢話老公咁啱出咗門，加上舊年都慶祝咗，所以今年就冇乜特別大搞，佢仲話兩個女當年都係一月新娘，三母女果然有緣分，難怪感情咁好。

近日流感嚴重，莎姐話佢都中咗招，估計應該係同啲孫交叉感染所致，佢話已經打咗流感針，不過就冇打針預防豬流感，而佢呢幾日都要同啲孫保持距離，只敢遠觀，唔敢近玩，免得又再畀機會啲病毒傳來傳去。