獎學金買第一隻錶

話說當年阿John喺美國讀書，當時卡地亞嘅手錶極之盛行，搞到佢心思思，卒之喺大學最尾嗰年忍唔住用獎學金買咗佢人生第一隻卡地亞手錶。

唔買猶自可，點知一買就愛上咗，依家定時定候佢都要入去卡地亞朝聖，睇下有乜新貨到，但係佢兩公婆好少一齊行，事關心頭好呢啲嘢每個人睇法都唔同，所以Shopping都係一支公行會自由啲。

不過咁，雖然佢唔同老婆行街，但就搵咗個「好朋友」陪住老婆，呢個咁捱義氣嘅朋友叫做「Cash」，咁識做，唔怪之得老婆冇投訴啦！

早前佢出席活動就戴咗卡地亞嘅鋼錶，錶肉可以翻出嚟轉一百八十度變成手鏈，不過呢款錶已經停產嘞。