再過幾天就係農曆新年，阿John話今年新年冇計劃外遊，事關佢「初一食齋，初三跑馬」，年初三係一年一度嘅賀歲馬，身為馬會主席嘅佢又點可以唔喺香港。

至於年初一嘅茹素習慣，原來係身為新會人嘅陳爸爸傳落嚟，阿John小時候就食媽媽煮嘅新年齋；成家立室後，媽咪將煮齋秘技傳授畀新抱，阿John太太笑言最拿手煮南乳羅漢齋，清清哋好開胃。

新年食齋係好多中國人嘅習慣，而過年應酬多，難免食太多肥膩嘢，咁茹素又有助清腸胃，趁新年開齋食素，點計都對身體有益嘅！