史醫生尋日話本來農曆年冇打算出門，點知喺牛津讀緊英國文學嘅囡囡突然來電，話初八校方喺Christ Church College舉行家長晚宴，於是佢立即決定改變計劃。點解變得咁快？因為嗰度曾被用作拍攝多部經典電影，包括《哈利波特》，所以史醫生慕名起行。

講完囡囡，史醫生將話題一轉，講起白鴿黨元老司徒華患末期肺癌，佢透露史爸爸十年前亦曾受肺癌折騰離世，所以對華叔遭遇特別感觸，近日從報章得知華叔有意接受中西醫治療，佢希望有關當局網開一面，發還回鄉證畀華叔，方便佢老人家返內地醫病。