「私人嘅事我唔知」

宏霸數碼昨日如常辦公，但辦事處保安明顯加強，公司職員則向記者指稱老闆不在。至下午五時十分，宏霸高層平日經常乘坐的七人車從停車場駛出，車內不見重要人物。約五分鐘後，宏霸主席兼首席執行官朱偉民乘坐另一輛名貴房車離開，直驅香港仔深灣遊艇會，期間房車一度試圖擺脫記者。

當房車抵達遊艇會後，朱偉民下車笑說，他只是參加私人聚會，與近日發生的事無關，又好心向記者說：「唔使急，有咩問就問啦！」他透露，警方前日下午四時許曾到訪其住所，逗留兩、三小時後離開，他指警方是「搜查同陳生案件有關嘅嘢，係例行搜查工作」。

對於宏霸股價變動，朱偉民輕鬆地說：「股票梗係有升有跌㗎啦。」他多次強調陳振聰只是宏霸股東，與公司運作無關，「總之公司三日前同依家冇分別，亦冇因為咁去開股東會議，大家唔使擔心」。他指前晚公司已發表聲明澄清事件，「聲明係公司自己出，唔係港交所逼我哋出，總之一切運作正常。」

至於外界有傳陳振聰與太太鬧離婚，朱說：「咁私人嘅事我唔知，我就冇聽過，陳生唔會同我講私人嘢。」他坦言，暫接觸不到陳，但「有成班律師幫佢」，律師也有不斷向他匯報最新情況，故不擔心陳的處境。他亦無聯絡陳太譚妙清，「周小姐（周白瑾）搵過陳太，我唔清楚佢點，但唔擔心」。至於爭產案上訴是否有信心反敗為勝，他說：「有信心，陳生都話佢冇做錯事啦。