04/02/2010

播放本新聞相關短片

政情:運署仍然向英女王效忠

港英年代,皇冠標誌同「ON HER MAJESTY'S SERVICE(向英女王陛下效忠)」嘅政府物件多不勝數,不過,回歸十二年多,呢啲富英國殖民地色彩嘅物件唔係入土為安,就係已經用晒,點知油尖旺區議員陳偉強最近再收到運輸署向英女王效忠嘅信件,真係嚇咗一驚。

陳偉強最近去信運輸署九龍區交通工程部,投訴工程師濫用停車許可證,該署派人送上覆函,但信封又黃又舊,封面仲有似曾相識嘅字句添,陳偉強問運輸署點解仲用咁舊嘅信封,對方回覆係「一時唔小心」,但好似唔當係乜嘢一回事。

陳偉強話,香港回歸十二年多,家吓仲用緊前殖民地嘅信封,真係有啲諷刺,亦係對國家嘅侮辱啫,佢估計其他區議員可能收過呢類信封,只係佢容忍唔到有咁嘅情況喎!