本文重點
早前亞視控股股東查懋聲高調召開記者會，首度開腔回應亞視股權鬥爭，估計當日現場最少有三十至四十名中外記者。
雖然有關亞視股權問題嘅報道到今日已經過氣，但喺當日曾到場採訪嘅記者，近日相繼收到查懋聲親筆簽名嘅答謝信，內容大致係感謝記者朋友到場採訪，又多謝傳媒機構關心佢喺亞視嘅投資咁話。
關心傳媒報道新聞手法
查懋聲當日表明正同三個買家傾緊入股，但佢一早講明亞視無論點變，新聞編採都會係獨立自主，佢喺封答謝信亦特別關心傳媒報道新聞嘅手法，佢有感而發話傳媒對人嘅生活影響好大，所以更需要傳媒以多角度反映唔同觀點向讀者報道。
封答謝信嘅內容唔單止語重心長，仲人情味十足，唔知佢對待啲員工係咪都一樣咁有人情味呢？