聽一位日本總廚級嘅朋友話，稻菊有成一百五十年歷史，喺Tempura製法方面仲自創門派，叫做「天扶良」。

Vera話佢最鍾意食稻菊嘅鐵板燒同魚生，而老公除咗情迷日本菜外，都仲有個「中國胃」，佢鍾意中菜，經常幫襯中環私人會所馬車會。Vera讚佢哋嘅蒸魚一流，係Philip每次必食之選。

Philip就自爆喺食嘢呢一方面同老婆非常之夾，但最大唔同就係老婆大人勁食辣椒，佢就完全食唔到辣。