仲有唔夠兩個星期就到農曆新年，又係港人出外旅遊充電嘅高峰期。啱啱「失業」嘅公文袋前立法會議員Tanya陳淑莊早前參加五區總辭後，依家變番自由身，尋日喺世界癌病研究基金會活動上見到佢，問佢農曆新年有乜嘢大計，佢就話原本都諗住去泰國「瞓番幾日」，但依家冇得
立法會議員份人工，為咗慳皮，都係決定留番喺香港。
立法會議員份人工，為咗慳皮，都係決定留番喺香港。
查實Tanya本身又係大律師，唔做議員大可以做番老本行，加上佢又有個開餐廳嘅疊水男友，照計去一轉平靚正嘅泰國都唔會有乜嘢問題啫，Tanya唔使扮窮，講到自己咁可憐呀？
不過，佢話暫時冇諗住做番大律師，之但係佢嘅律師樓辦公室仍然運作緊，燈油火蠟、人工同租金樣樣都係錢，所以佢話幾個月冇收入對佢嚟講都幾入肉喎。
佢仲好認真咁話，女仔自己養番自己係應該同必須嘅事，更何況依家佢又唔係人哋老婆，唔可以亂嚟咁話喎！唔知佢呢番說話係講真吖，抑或係咪對佢男友有所暗示呢？