經過呢次打針經驗，令佢體會到基層社區醫療服務嘅重要，原來香港冇二十四小時藥房真係好唔方便，夜晚病到好辛苦都搵唔到地方買藥。

養和本來有興趣喺黃竹坑起醫院，但醫院經理李維文尋日向記者交代，話根據政府嘅要求，要避開對港鐵嘅影響，塊地只可以起三層，同佢哋計劃興建兩座醫院大樓、每座二十層高嘅要求相差太遠，冇可能做到一間高檔嘅全科醫院，所以決定連意向書都費事交畀政府。