小白觀點：師傅發功坐少幾個月

茅山師傅幫o靚模改運，連續九次做咗啲好奇特嘅法事，元氣大傷都算嘞，仲要畀人告上法庭。弊在法官大人把口話人迷信，但佢自己都好迷信呢個世界上冇一啲超自然嘅事情，一口咬定係神棍，最後判茅山師傅入獄六年幾，出手認真重。

冇計啦，呢次又真係抵茅山師傅死喎，鬼叫佢獨食呀！唔係咩，好多法官寒窗苦讀，幾十年嚟匿喺法庭一邊畫公仔一邊聽審，從來都未食過好嘢，反而呢個神棍求其施施法，竟然可以食足九餐，點可能唔火遮眼吖？不過話時話，聽聞區院最高可以判七年，但今次法官喺神推鬼擁下判少幾個月，係咪足以證明呢位茅山師傅法力確係幾高強呢又？

網友觀點......

茅山弟子

簡直有辱師門，法官判得好，幫茅山派清理門戶！

小黑

如果有男人要求改運，唔知師傅係咪同佢一樣喺床上作法呢？

陸克文

司法與民間信仰的對決，相信之後會陸續有來。

一眉道人

法官唔信呢家嘢，因為證據確鑿，但唔少專業人士居然幫佢寫求情信，愚昧嘅人真係唔少噃！

網址：www.sunsiupak.blogspot.com

阿豪觀點：司法隊伍有需要擴充

o靚模性交轉運案終有判決，茅山師傅被重判入獄八十一個月。嘩，咁咪判得仲重過喺落馬洲車死六個人嗰個醉駕司機？！

豪伯此言一出，網上果然立即群情洶湧，大家千祈唔好誤會，我並唔係話幫呢個鹹濕伯父講好說話。其實，好多男人都鹹濕o架啦，問題係開講都有話：「君子求財，取之有道」嘛！

即係咁，重判得呢個茅山師傅，咁香港都係時候大力擴充司法隊伍咯。你想轉運轉唔到可以告人，夠有好多內地少女，一心以為掘到金，點知嫁落嚟香港之後至發現個老公原來窮到燶；又例如婚前男朋友講到自己好有理想，點知婚後原形畢露，又嫖又賭又係大懶蟲，咪又要告餐懵？

網友觀點......

小山

豪伯好似好同情呢個鹹濕師傅咁噃，佢係罪有應得㗎，唔抵可憐！

李怒眉

都只怪佢「作法」自斃，唔知佢又算唔算到自己有此一劫呢？

我要轉運

茅山師傅入咗冊之後，可以轉做幫人肛交轉運吖，不過唔知靈唔靈呢？嘻嘻！

哨牙叔叔

法律呢家嘢真係考起，唔知判得輕定重，但呢個淫蟲呃完人仲話師公上身，真係想打佢一身！

網址：www.lukchiho.blogspot.com