沈太轉軚全力支持

聲言做校長非自己興趣嘅沈祖堯話，太太最初唔想佢做中大校長，驚佢壓力大，接過重擔之後會晚晚瞓唔着覺，不過後來太太都變咗全力支持佢。沈祖堯話太太嘅睇法好重要，因為驚第日返屋企時太太黑口黑面對住佢。

提名公布之後，中大師生都逐漸消化緊呢件事，好多人都對佢寄以厚望。沈祖堯話，自己希望將中大辦成「中國人的國際一流大學」，不過，佢都知道中大師生前面嘅路「很長很斜」。講到第日嘅工作，沈祖堯嘅籌款能力一直唔被睇好，佢話：「我覺得籌錢並非一個校長所有的責任……若衡量一個校長成功與否係用錢，就很可悲。」