五區辭職嘅戰鼓已經擂響，建制派雖然各有參加補選嘅籌謀，但對投票率都有顧忌，擔心補選整體投票率超過五成，即表示號召者嘅「變相公投」有效，但專責香港事務嘅國務院港澳辦同中聯辦前日罕有咁同日高調發稿，嚴詞駁斥公文袋同社民連發動嘅所謂「五區公投運動」，等同公然挑戰《基本法》同人大常委會決定。
兩辦嘅講話，亦等於表示補選絕冇可能係公投，呢個結論釋除咗部分建制派嘅顧忌同疑慮。據講，建制派打算喺最有機會撼低泛民嘅新界東、新界西同九龍東選區，由擁有最強大選舉機器建仔同工聯會出戰。九龍區方面，前九東票后、工聯會陳婉嫻好大可能出山，據聞嫻姐喺有力人士游說下，好大機會喺九東再戰江湖。
不過，建制派喺新界東同新界西仲有兩個隱患，事關新論壇嘅龐愛蘭同富貴黨嘅田北辰可能分別出戰呢兩區，所以建制派陣營仍有繼續協調嘅空間。