蘇菲喺志蓮淨苑做咗多年義工，園方搞活動，梗係要捧場。佢話，細個已鍾意編織，試過收集拜完神嘅香雞嚟編織，但依家就忙到唔記得屋企有無呢啲編織工藝品擺設。參觀咗啲竹藝產品後，佢話環保又有創意，好值得向學生哥推廣。潮屬社團總會名譽會長高佩璇尋日都有去睇，佢屋企同公司都放咗好多富貴竹，所謂「無竹令人俗」，都市人好適合擺多啲竹。

南蓮園池嚟緊會搞工作坊畀老師參加，透過佢哋將竹藝帶入校園，有興趣嘅公眾人士可以去欣賞由即日起至三月底舉行嘅「傳統竹藤藝術」展覽，仲可以參加工作坊織埋一份。