鬍鬚曾今年再度炒冷飯推出嘅三萬份《今日工程，明日繁榮》漫畫，主角日仔繼續展開奇妙時空旅程，但就面對殘局要整頓，殘成點仲未知，不過，早前煲呔曾先噏過本港經濟雙底衰退，鬍鬚曾尋日就幫佢搽脂抹粉，仲搬三個世界級經濟學者出嚟添，無非想唬嚇香港人。不過，細心睇吓，鬍鬚曾嘅推論都好夾硬，因為有兩位學者都認為「美國經濟喺今年出現強力復甦嘅機會好細」。強力復甦機會好細唔等同經濟衰退啫，鬍鬚曾咁樣曲解，真係有混淆視聽之嫌噃。