季詩傑話暫時只係得面上嘅傷口拆咗線，身上就仲有幾處傷口未好番。佢仲呻話依家連波都冇得踢，但強調呢啲傷唔會影響佢參與五區公投，事關佢負責用腦，唔使點擔擔抬抬喎。
同場都有一個稀客出現，就係預計會辭職嘅立法會議員袋巾傑嘅老婆陳淑儀嘞，梁太喺○七年已經幫過老公參選特首選舉，佢話今次出嚟純粹係因為自己好支持公投呢個活動，同老公將會辭職再參選冇關喎！
