李國麟話，自己經常接觸病人，冇理由唔打，衡量風險後，佢認為打咗針始終都係好啲，麟嫂就夫唱婦隨決定打針。

一班高官同醫生早前帶頭打針做騷，李國麟當時都有報名，但當日遇上有學生大學畢業唔得閒去。據聞有份打針嘅醫管局主席胡定旭，事後鬼打都冇咁精神，未見有副作用，打針翌日仲同下屬一齊離港公幹添。