近日港大日本研究系學者Yoshiko Nakano以蒙叔嘅企業家精神為重點，以英文寫成《Where There Are Asians, There Are Rice Cookers—How "National" Went Global via Hong Kong》（圖），講及一家日本跨國大公司點樣透過蒙叔將電飯煲推銷全世界。書中透露蒙叔賣煲全靠「食腦」，佢有次睇見日本工程師研發嘅飯煲唔夠蒸氣多，飯熟時冇乜聲氣，下令要求改良，令飯熟時有「噗噗聲」，話咁至夠色香味俱全。

呢股「飯煲熱情」連佢個仔蒙德揚都深受感染，「蒙仔」更將飯煲「升呢」焗埋蛋糕，將公司茶水間變成實驗室，搵嚟女同事幫手研發飯煲蛋糕配方，為呢款飯煲殺出另一條血路，後來賣個滿堂紅。