Eva日前同啲記者先坐飛機去武漢，再試搭武廣高鐵落廣州，點知坐飛機出發時遇到Delay。Eva講笑咁話呢幕係佢刻意鋪排嘅劇情，如果搭高鐵就唔怕啦。

去到武漢，Eva再攞鬍鬚曾黑仔上唔到京嘅瘀事嚟開玩笑，讚高鐵設計精良，有融冰系統，唔會受風雪影響，如果香港起得成廣深港高鐵，第日再駁埋京廣專線，「曾俊華就唔使去唔到北京啦！」冇得上京、又喺機場呆坐幾粒鐘嘅鬍鬚曾最後都要取消行程，俗語話針唔拮到肉唔知痛，睇嚟啲政府高官家吓先知痛囉。