據悉，富貴黨一眾代表人物好似田北俊、田北辰、劉健儀、方剛同張宇人等，全部都冇收過經濟動力邀請，名單上僅有嘅三名富貴黨成員蘇開鵬、孫啟烈同何栢霆，只屬黨內二線人物，反而一班富貴黨退黨黨員好似羅煌楓同李漢城咁就有一大堆，唔知係攞景定贈興。

呢份名單嘅潛台詞，可以話係暗示富貴黨唔再代表工商界，亦係繼經濟動力早前力谷會董胡兆英坐上旅遊業議會主席後嘅第二次戰役。睇嚟，富貴黨同經濟動力嘅進一步競爭愈嚟愈近嘞。